Sunday, July 30, 2017

ក្លឹបអ្នកមានបារាំង PSG ត្រៀមជះលុយ ២៥៤លានដុល្លារ ដើម្បីឆក់ Neymar ពី Barca

ដោយ ៖ គង់ រិទ្ឋរីណា

ថ្ងៃសៅរ៏ ទី២២ ខែកក្កដា ឆ្នាំ២០១៧ ម៉ោង ០៨:៥៣ (22-07-2017 08:53)

តាមប្រភពព័ត៌មាន The Guardian បានឲ្យដឹងថា ក្លឹបបារាំង Paris Saint-Germain កំពុងគ្រោងជះលុយ ២៥៤លានដុល្លារសហរដ្ឋអាមេរិក ដើម្បីផ្តាច់កុងត្រា Neymar ពីក្លឹប Barcelona ។
ទោះបីជាខាងក្លឹបបច្ចុប្បន្នរបស់ Neymar មិនព្រមផ្ទេរឲ្យក៏ដោយ ក៏ PSG នៅតែគិតថាខ្លួននឹងជះលុយយកមកទាល់តែបាន ។
ដោយសារតែខាងក្លឹប Barca ចេះតែជំទាស់មិនព្រមផ្ទេរ Neymar ឲ្យ ទើប PSG គ្រោងនឹងមិនទៅចរចាជាលក្ខណៈក្លឹបនឹងក្លឹបទៀតទេ ។ ពោលគឺពួកគេនឹងទៅចរចាជាមួយឪពុករបស់ Neymar ដោយឲ្យនាយកគ្រប់គ្រងឈ្មោះ Antero Henrique ទៅជួបនិយាយ ។
គម្រោងនឹងទៅចរចាជាមួយនឹងឪពុករបស់ Neymar ធ្វើឲ្យ PSG មានទំនុកចិត្តជាងការទៅជួបនិយាយជាមួយនឹងក្លឹប Barca ទោះបីជានាយករងរបស់ Barca ប្រាប់ថា “ ២០០% ហើយដែល Neymar នឹងមិនទៅណា ”

Sunday, July 23, 2017

ទង្វើ៦យ៉ាងរបស់ភរិយាអាចសម្លាប់ចិត្តប្ដីមិនឱ្យមានស្រី សូម្បីតែគិត

ទង្វើ៦យ៉ាងរបស់ភរិយាអាចសម្លាប់ចិត្តប្ដីមិនឱ្យមានស្រី សូម្បីតែគិត
Image result for sweet couple

ជីវិតគូក្រោយរៀបការមិនមែនងាយស្រួលដូចដែលយើងគិតនោះទេ ជម្លោះ ការប៉ះទង្គិចទាំងពាក្យសម្ដីនិងផ្លូវចិត្តគង់តែកើតមានដោយចៀសមិនផុត ដូច្នេះហើយតាំងពីបុរាណមក គេបានចាត់ទុកភរិយាជាអ្នករក្សាភ្នក់ភ្លើងក្នុងផ្ទះដើម្បីឱ្យក្រុមគ្រួសាររស់នៅដោយសុភមង្គល។

ប៉ុន្តែអ្វីដែលស្ត្រីតែងបារម្ភគឺ ការដែលប្ដីនឹងចេញទៅមានស្រីក្រៅ ធ្វើឱ្យគ្រួសារបាត់បង់សេចក្ដីសុខ និងគ្មានភាពកក់ក្ដៅដល់កូនៗ។ ខាងក្រោមជាគន្លឹះខ្លះៗ ដែលស្ត្រីគួរធ្វើ ដើម្បីចងចិត្តស្វាមីឱ្យស្មោះត្រង់នឹងគ្រួសារ មិនអាចមើលឃើញស្រីក្រៅល្អជាងប្រពន្ធកូនខ្លួន៖

១- ចេះឱ្យតម្លៃនិងលើកទឹកចិត្តប្ដី៖
Related image

បុរស ទោះបីចាត់ទុកជាភេទរឹងមាំ ប៉ុន្តែអ្នកណាៗក៏ធ្លាប់ជួបថ្ងៃស៊យ ការបាក់ទឹកចិត្ត ឬធ្វើកំហុសឆ្គងដែរ។ ដូច្នេះបើនៅខាងក្រៅ មានរឿងមិនសប្បាយចិត្តហើយ ចូលដល់ផ្ទះ ប្រពន្ធធ្វើមុខក្រូចសើច ឬព្រងើយកន្តើយទៀត យូរនិងឆាប់នឹងធ្វើឱ្យបុរសនោះលែងចង់ចូលផ្ទះ។ ពាក្យសម្ដីលួងលោម លើកទឹកចិត្ត គឺជាថ្នាំត្រជាក់ដែលធ្វើឱ្យអារម្មណ៍ស្មុគស្មាញទាំងប៉ុន្មានរលាយបាត់បានដោយងាយ។

២- ចេះរក្សាទំនាក់ទំនងរវាងឪពុកម្ដាយខ្លួននិងស្វាមី៖
Image result for sweet couple

ចំណុចនេះសំខាន់ខ្លាំង ព្រោះបើទោះបីអ្នករៀបការរួចរស់នៅជាមួយឪពុកម្ដាយក្ដី ឬរស់នៅបែកតែពីរនាក់ក្ដី ក៏គង់តែមានលេចឮពាក្យពេចន៍ក្នក់ចិត្តពីឪពុកម្ដាយរបស់អ្នកចំពោះស្វាមី ឬពីស្វាមីចំពោះឪពុកម្ដាយយើងដូចគ្នា។ ដូចពាក្យថា គ្មានទេមនុស្សឥតខ្ចោះក្នុងលោកនេះ ហេតុនេះពាក្យមិនសប្បាយចិត្តទាំងនោះអាចនឹងកើតឡើងនៅថ្ងៃណាមួយ។ ភរិយាឆ្លាតត្រូវចេះថ្លឹងថ្លែងថា ពាក្យណាគួរឱ្យភាគីទាំងសងខាងដឹង ពាក្យណាគួរសម្របសម្រួល និងលាក់ទុកដើម្បីទំនាក់ទំនងល្អក្នុងក្រុមគ្រួសារ។
៣- ចេះចាត់ចែងការងារផ្ទះ៖

ទោះសម័យនេះ ភរិយាភាគច្រើនត្រូវចេញទៅក្រៅរកលុយដូចស្វាមីក៏ដោយ ប៉ុន្តែរឿងចានក្បាន ថែទាំងផ្ទះសម្បែង នៅតែត្រូវការនារីជាចាំបាច់។ ការជួយរំលែកបន្ទុកក្នុងផ្ទះរបស់ស្វាមី អាចជួយសម្រាលបានមួយចំនួន តែប្រពន្ធល្អមិនអាចភ្លេចគិតពីរឿងផ្ទះសម្បែង បណ្ដោយឱ្យរប៉ាត់រប៉ាយ ហើយលើកឡើងថា គ្មានពេលសម្អាតនោះទេ។

៤- ចេះជួយស្វាមីរឿងលើគ្រែ៖
Image result for sweet couple

អាចជារឿងមិនគួរនិយាយ ប៉ុន្តែវាជាការពិត។ តាមធម្មជាតិ បុរសមានអារម្មណ៍ផ្លូវភេទច្រើនជាងស្ត្រី ហេតុនេះមូលហេតុធំដែលស្វាមីភាគច្រើនហ៊ានទៅមានស្រីក្រៅ ព្រោះតែភរិយាមិនសូវផ្ដល់ពេលវេលាសម្រាប់រឿងលើគ្រែ ឬព្រងើយកន្តើយចំពោះរឿងនេះញឹកញាប់ពេក។ ជួនកាល អ្នកទាំងពីរអាចនិយាយគ្នា បើសិនភរិយាមិនស្រួលខ្លួន ឬមានផ្ទៃពោះ ឬសរសៃខ្ចី ភរិយាអាចជួយសម្រួលរឿងនេះតាមវិធីណាមួយដែលល្អ មិនចាំបាច់ទាល់តែបម្រើដោយប្រើខ្លួនប្រាណទាំងស្រុងតែម្ដងក៏បាន។
៥- ចេះចាត់ចែងរឿងលុយកាក់បានច្បាស់លាស់៖
Image result for sweet couple

រឿងលុយកាក់ច្បាស់ណាស់ ភាគីភរិយាគឺជាអ្នកទុកដាក់ ហើយបើនាងជាមនុស្សច្បាស់លាស់ក្នុងការចាត់ចែង មិនចំណាយខុសខ្ទង់ មិនចំណាយលើរឿងខ្ជះខ្ជាយ នោះស្វាមីនឹងមិនងាយដាច់ចិត្តយកលុយទៅចំណាយខាងក្រៅទេ។ អាចនិយាយបានថា មុននឹងគាត់ចំណាយ គាត់អាចនឹងគិតដល់អ្នកដែលជាភរិយាជាមុនសិន។

៦- ចេះគិតគូរក្រុមគ្រួសារខាងប្ដីដូចគ្រួសារខាងយើង៖
Related image

ចំណុចចុងក្រោយនេះរឹតតែចាំបាច់ ព្រោះអ្នកណាក៏ចេះស្រលាញ់គ្រួសាររបស់គេ មិនថាយើង មិនថាស្វាមី។ ដូច្នេះក្នុងនាមជាភរិយាត្រូវចេះចែករំលែកក្ដីស្រលាញ់ និងយកចិត្តទុកដាក់ចំពោះគ្រួសារសាច់ថ្លៃ និងឪពុកម្ដាយក្មេកផង។ កាលណាអ្នកធ្វើបានចំណុចនេះ ស្វាមីអ្នកនឹងមានអារម្មណ៍កក់ក្ដៅ និងរឹតតែស្រលាញ់អ្នកខ្លាំងឡើងមិនខាន៕

Thursday, July 20, 2017

បើល្បីៗម្ល៉ឹងៗ តើកំពូលតារាសម្ដែងស្រីចិន អាចរកចំណូលបានប៉ុន្មានពីការថត?

បើល្បីៗម្ល៉ឹងៗ តើកំពូលតារាសម្ដែងស្រីចិន អាចរកចំណូលបានប៉ុន្មានពីការថត?

ក្លាយជាតារាសម្ដែងដ៏ល្បី ច្បាស់ជាប្រាក់ចំណូលក៏កើនឡើងទៅតាមនោះដែរ។ ប្រិយមិត្តច្បាស់ជាឆ្ងល់ ហើយចង់ដឹងថា តើតារាល្បីៗទទួលបានចំណូលពីការថតប៉ុន្មានទៅ ស្របពេលប្រជាប្រិយរបស់គេខ្ពស់ដែរនោះ? ថ្ងៃនេះ Sabay សូមស្រាយចម្ងល់ទាំងនេះ ដោយទម្លាយពីចំណូលរបស់កំពូលតារាស្រីចិន៨រូប ខាងក្រោមនេះ៖
១. តារាសម្ដែង Zhou Xun
Image result for Zhou Xun

តំណែងតារាស្រីចិនដែលរកចំណូលបានច្រើនគេ Zhou Xun បានទទួលប្រាក់ចំណូលបានជាង ៩៥លានយ័ន (ប្រហែល ១៤លានដុល្លារ) ពេលសម្ដែងក្នុងរឿង "Ruyi's Royal Love in the Palace” នៅឆ្នាំ ២០១៧។
២. តារាសម្ដែង Fan Bingbing
Image result for Fan Bingbing

Fan Bingbing តែងស្ថិតនៅកំពូលតារាចិននៅរយៈពេលប៉ុន្មានឆ្នាំចុងក្រោយនេះមិនដែលដាច់ទេ។ តាមប្រភពព័ត៌មានបានឲ្យដឹងថា តារាស្រីរូបនេះអាចរកចំណូលបានចាប់ពី ៨០លានយ័ន (ប្រហែល ១១,៨លានដុល្លារ) ឡើងទៅក្នុងមួយរឿង។
៣. តារាសម្ដែង Zhang Ziyi
Image result for Zhang Ziyi

តារាស្រីសម្រស់មិនចេះចាស់រូបនេះ ត្រូវបានចាត់ទុកថាជាតារាស្រីល្បីបំផុតជុំវិញទ្វីបអាស៊ី ព្រមទាំងនៅលោកខាងលិចផងដែរ។ រីឯចំណូលដែលនាង ទទួលបានពីការសម្ដែងយ៉ាងហោចណាស់ ៥៩,៥លានយ័ន (ប្រហែល ៨,៨លានដុល្លារ)។
៤. តារាសម្ដែង Gong Li
Image result for Gong Li

ក្នុងឆ្នាំ ២០០៦ Gong Li បានដើរតួក្នុង “Miami Vice” ដែលពេលនោះ មានសេចក្ដីរាយការណ៍មកថា នាងទទួលបានចំណូលជាង ៥លានដុល្លារ។ ដោយឡែក នាងក៏បានគ្រងតំណែង "តារាសម្ដែងស្រីឆ្នើម” ជាប់ៗគ្នាចាប់ពីឆ្នាំ ២០០៧ ដល់ឆ្នាំ ២០១៥ ដូចនេះនាងអាចនឹងបានថ្លៃខ្លួនខ្ពស់ជាងឆ្នាំមុនៗទៀតក៏ថាបាន នាពេលបច្ចុប្បន្ន។
៥. តារាសម្ដែង Zhao Liying
Image result for Zhao Liying

ស្រីស្អាត Liying មានកេរ្តិ៍ឈ្មោះបោះសំឡេងខ្លាំងតាមរយៈ រឿងភាគជាច្រើនដូចជា "Legend of Lu Zhen” ក្នុងឆ្នាំ ២០១៣, "The Journey of Flower” ឆ្នាំ ២០១៥ និងរឿង "Duckweed" ដែលបញ្ចាំងក្នុងឆ្នាំ ២០១៧នេះ។ ចំណូលដែលនាងទទួលបានក្នុង ១រឿងភាគ អាចចាប់ពី ៤០លានយ័នឡើង (ប្រហែល ៥,៩១ លានដុល្លារឡើង)។
៦. តារាសម្ដែង Yang Mi
Image result for Yang Mi

Yang Mi បានការគាំទ្រសម្បើមណាស់ ពេលសម្ដែងក្នុងភាពយន្តបែបមនោសញ្ចេតនា "Eternal Love” ក្នុងឆ្នាំ ២០១៧ នេះ។ ក្រឡេកមើលប្រាក់ខែវិញ ត្រូវបានរាយការណ៍ថា អាចរកបានក្នុងតម្លៃ ៥៥០ ០០០យ័ន (ប្រហែល ៨១ ៣៨០ដុល្លារ) ក្នុងមួយរឿង។
៧. តារាសម្ដែង Sun Li
Image result for Sun Li

តារាស្រីដែលអ្នកគាំទ្រដាក់ឈ្មោះថា "Queen of Television” បើនិយាយពីចំណូលកាលពីឆ្នាំ ២០១៥ តារាស្រីរូបនេះទទួលបានចំណូលជាង ៨៥០ ០០០យ័ន (ប្រហែល ១២៥ ៧៦៩ ដុល្លារ) ពីរឿង "The Legend of Mi Yue"។
៨. តារាសម្ដែង Zheng Shuang
Image result for Zheng Shuang

តារាសម្ដែងដែលតែងមានវត្តមានជារឿយៗក្នុងរឿងកុន និងរឿងភាគ ហើយថ្មីៗនេះផងដែរនាងក៏បានក្លាយជាតារាទូរទស្សន៍ស្រីដែលរកចំណូលបានច្រើនជាងគេ គឺជាង ៤០ ០០០យ័ន (ប្រហែល ៥ ៩០០ ដុល្លារ) ក្នុង ១រឿងភាគ៕

Monday, July 17, 2017

វិធីទាំង៤ ដើម្បីយកឈ្នះនឹងបញ្ហានៅពេលសម្ភាសន៍លើកដំបូង

វិធីទាំង៤ ដើម្បីយកឈ្នះនឹងបញ្ហានៅពេលសម្ភាសន៍លើកដំបូងនៅកម្ពុជា

គឺជារឿងមួយនៅក្នុងចំណោមរឿងទាំងអស់ដែលយើងមិនចូលចិត្ត ប៉ុន្តែទោះជាយ៉ាងណាក៏ដោយ យើងក៏នៅតែត្រូវប្រឈមនឹងបញ្ហានេះដដែល។ បើទោះបីជាយើងចូលចិត្ត ឬមិនចូលចិត្តក៏ដោយ ការសម្ភាសន៍ការងារ គឺជាផ្នែកមួយដ៏សំខាន់នៅក្នុងដំណាក់កាលនៃការស្វែងរកការងារ។ យ៉ាងណាមិញ ចំពោះអ្នកដែលធ្លាប់មានបទពិសោធន៍ធ្លាប់បានឆ្លងកាត់ការសម្ភាសន៍ការងារ ប្រាកដជាបានដឹងអំពីផ្នែកដ៏ពិបាកនៃការជួបគ្នាបែបនោះ គឺការចាប់ផ្ដើមលើកដំបូង ព្រោះថាអ្នក និងអ្នកសម្ភាសន៍ការងារមិនដឹងថាត្រូវនិយាយអ្វីនោះឡើយ។ សំណាងល្អ វាមិនមែនជារឿងដែលពិបាកខ្លាំងណាស់ណាទេ ដោយគ្រាន់តែការអនុវត្តន៍បន្តិច អ្នកមិនគ្រាន់តែអាចយកឈ្នះនឹងបញ្ហានៅពេលសម្ភាសន៍លើកដំបូងនោះទេ អ្នកថែមទាំងអាចទទួលបានការងារដែលអ្នកពេញចិត្តទៀតផង។

តើអ្នកត្រូវធ្វើអ្វីខ្លះដើម្បីយកឈ្នះនឹងភាពតានតឹងក្នុងពេលចាប់ផ្ដើមការសម្ភាសន៍ការងារ?

ជាដំបូង ការដែលមានអារម្មណ៍ដ៏ពិបាកនោះកើតមានឡើងតាំងពីមុនពេលការសម្ភាសន៍ចាប់ផ្ដើមទៅទៀតឯណោះ។ ហេតុដូច្នេះ យើងក្រលេកទៅមើលអំពីរបៀបក្នុងការរៀបចំខ្លួនទុកជាមុននូវអាកប្បកិរិយារបស់អ្នកសម្រាប់ការសម្ភាសន៍ដែលនឹងត្រូវចាប់ផ្ដើមក្នុងរយៈពេល ៣០នាទីទៀតនោះ។

តាំងចិត្តឲ្យបានស្ងប់៖ រឿងនេះហាក់ដូចជាច្បាស់លាស់ណាស់ ក៏ប៉ុន្តែការសម្រួលចិត្ត និងប្រមូលផ្ដុំអារម្មណ៍របស់អ្នក គឺជារឿងដំបូងដែលអ្នកត្រូវធ្វើមុនពេលចូលទៅក្នុងបន្ទប់សម្ភាសន៍ការងារ។
ទុកឲ្យអ្នកសម្ភាសន៍ការងារជាអ្នកចាប់ផ្ដើមការសន្ទនា៖វាជារឿងដ៏ល្អបំផុតនៅពេលដែលអ្នកទុកឲ្យមនុស្សដែលអ្នកបានជួបជាអ្នកចាប់ផ្ដើមការសន្ទនា។ ភាគច្រើនពួកគេនឹងសួរមកាន់អ្នកថា «តើវាពិបាកទេសម្រាប់ការស្វែងរកការិយាល័យការងារ? » ឬក៏អាចថា «តើអ្នកអាចប្រាប់ខ្ញុំ អំពីខ្លួនអ្នកបានដែរឬទេ?»
ចង់ចាំថា ត្រូវតែនិយាយឲ្យខ្លី និងសាមញ្ញ៖គោលការណ៍នៃ KISS នោះគឺ និយាយឲ្យបានខ្លីនិងធ្វើឲ្យសាមញ្ញ វាគឺជាចំនុចមួយដ៏សំខាន់។ បន្ទាប់ពីអ្នកសម្ភាសន៍ការងារកំពុងតែចាប់ផ្ដើមការសម្ភាសន៍ អ្នកគួរតែចំនាយពេល មួយ ឬពីរនាទីបានហើយ សម្រាប់ការណែនាំខ្លូនរបស់អ្នក។
ចាប់ផ្ដើមការសន្ទនាឲ្យដូចជាអ្នកជំនាញ៖វាគឺជារឿងដ៏ល្អបំផុតក្នុងការដែលមានរបៀបដូចជាអ្នកជំនាញ ជាពិសេសនៅពេលចាប់ផ្ដើមការសន្ទនា។ អ្នកអាចបន្ថែមពាក្យសម្ដីកំប្លែងបាន ក៏ប៉ុន្តែបានតែនៅពេលបញ្ចប់ការសម្ភាសន៍ការងារតែប៉ុណ្ណោះ។
ចាប់ផ្ដើមការឆ្លើយតបរបស់អ្នកជាមួយនឹង ចម្លើយដែលខ្លាំងក្លាតែមានលក្ខណៈសមញ្ញ៖នៅពេលដែលការសន្ទនាចាប់ផ្ដើម ព្យាយាមផ្ដល់នូវចម្លើយសាមញញ ប៉ុន្តែជាចម្លើយដែលមានលំដាប់លំដោយឆ្លើយតបទៅនឹងសំនួរដែលបានចោទសួរ។
ប្រែក្លាយសំណួររបស់អ្នកឲ្យក្លាយជាសាច់រឿងខ្លីមួយ៖បន្ទាប់ពីអ្នកបានផ្ដល់ឲ្យនូវចម្លើយដែលសាមញ្ញ និងមានលំដាប់លំដោយហើយ ពង្រីកចម្លើយរបស់អ្នកឲ្យក្លាយជារបៀបសាច់រឿងខ្លីមួយ ដែលអាចបង្កើតនូវផលល្អសម្រាប់អ្នកក្នុងការសម្ភាសន៍ការងារ។

ចៀសវាងការរឿងទាំងអស់នេះអំឡុងពេលប្រឈមមុខនឹងអ្នកសម្ភាសន៍ការងារ

ចៀសវាងការនិយាយអួតអាងលើសពីសមត្ថភាពរបស់អ្នក
ចៀសវាងការជជែកអំពីរឿងនយោបាយ សាសនា ឬក៏ប្រធានបទដែលអាចនឹងមានវិវាទផ្សេងៗ។
ចៀសវាងការរិះគន់ចៅហ្វាយនាយចាស់របស់អ្នក
ចៀសវាងការនិយាយរឿងកំប្លែងដែលមិនសក្តិសម ជាពិសេសអំពីចំនុចខ្សោយរបស់អ្នក។
ចៀសវាងការនៅស្ងាត់មិននិយាយស្ដី

តើសំនួរប្រភេទណាដែលអ្នកគួរតែសួរទៅកាន់អ្នកសម្ភាសន៍ការងារនៅពេលជួបគ្នាលើកដំបូង?

ការសួរសំនួរជាច្រើន អំពីអ្នកសម្ភាសន៍ការងារមិនត្រឹមតែអាចជួយអ្នកឲ្យមានភាពងាយស្រួលក្នុងការនិយាយគ្នានោះទេ ក៏ប៉ុន្តែវាថែមទាំងអាចផ្ដល់ឲ្យអ្នកនូវព័ត៌មានខ្លះអំពីការងារ ក៏ដូចជាក្រុមហ៊ុនទាំងមូលផងដែរ។

សាកសួរអំពីព្រឹត្តិការណ៍ដែលកើតឡើងនាពេលថ្មីៗនេះ
សាកសួរអំពីរឿអ្វីដែលអ្នកបានចាប់អារម្មណ៍នៅពេលស្វែងរកព័ត៌មាននៅក្នុងគេហទំព័រ
សាកសួរអំពីកម្មវិធីបញ្ចុះតម្លៃផលិតផលថ្មីៗ
សាកសួរអំពីដៃគូរប្រកួតប្រជែងរបស់ក្រុមហ៊ុន
សាកសួរអំពីសំនួរដែលទាក់ទងនឹងការងារដែលអ្នកបានដាក់ពាក្យស្នើរសុំ

ហ្វឹកហាត់ខ្លួនអ្នកឲ្យក្លាយជាអ្នកជំនាញខាងចាប់ផ្ដើមសន្ទនា

ការអនុវត្តន៍ធ្វើឲ្យខ្លួនឲ្យយើងក្លាយជាអ្នកជំនាញ៖ប្រសិនបើអ្នកមានបញ្ហាក្នុងការចាប់ផ្ដើមសន្ទនានោះ ដូច្នេះហើយ អ្នកគួរតែព្យាយាមអនុវត្តជំនាញក្នុងការសន្ទនារបស់អ្នកជាមួយនឹងអ្នកដែលនៅជុំវិញខ្លួនរបស់អ្នក។ អ្នកអាចប្រើប្រាស់ប្រធានបទសាមញ្ញៗដូចជាអាកាសធាតុ ដើម្បីបង្កើតការសន្ទនារបស់អ្នក។
ប្រើប្រាស់បណ្ដាញសង្គម សម្រាប់ជាឈ្នាន់នៃការហ្វឹកហាត់របស់អ្នក៖នៅពេលជជែកគ្នាជាមួយនឹងមនុស្សដែលអ្នកធ្លាប់ស្គាល់ អាចជារឿងដ៏ល្អក្នុងការចាប់ផ្ដើម អ្នកអាចអភិវឌ្ឍន៍ជំនាញរបស់អ្នកបានដោយប្រើប្រាស់បណ្ដាញសង្គមដើម្បីចាប់ផ្ដើមការសន្ទនាជាមួយនឹងមនុស្សដែលអ្នកមិនធ្លាប់ស្គាល់ផងដែរ។
គិតទៅលើលក្ខណៈសម្បត្តិដែលអ្នកចង់បានអំពីអ្នកដទៃ៖គិតទៅលើលក្ខណៈសម្បត្តិដែលអ្នកគិតថាអ្នកចង់បានពីបុគ្គលដទៃ។ ឱកាសនេះគឺថា អ្នកទាំងអស់គ្នាអាចនឹងចង់បានលក្ខណៈសម្បត្តិទាំងនោះផងដែរ។ អ្នកអាចព្យាយាមកែប្រែចំនុចល្អទាំងនោះដើម្បីអភិវឌ្ឍន៍លទ្ធផលរបស់អ្នកឲ្យកាន់តែល្អ។
ហ្វឹកហាត់ដើម្បីជៀសវាងការមិននិយាយស្ដីនៅអំឡុងពេលសន្ទនា៖មនុស្សភាគច្រើន គិតថាការដែលមិននិយាយស្ដី គឺជាការព្រហឺន។ វាគឺជារឿងដែលល្អបំផុតដែលអ្នកអាចហ្វឹកហាត់ខ្លួនរបស់អ្នក ដើម្បីជៀសវាងនូវស្ថានភាពបែបនេះដោយការសួរសំនួរខ្លះនៅពេលចាប់ផ្ដើមនៃការសន្ទនា។
ធ្វើការស្រាវជ្រាវចំពោះសំនួរដែលអាចនឹងត្រូវបានសួរ៖មធ្យោបាយដែលល្អបំផុតក្នុងការដោះស្រាយនឹងបញ្ហានោះគឺ ការត្រៀមខ្លួនឲ្យបានរួចរាល់សម្រាប់រាល់សំនួរដែលអ្នកនឹងត្រូវសួរអ្នកបាន។ ត្រូវតែប្រាកដថា អ្នកធ្វើការស្រាវជ្រាវដើម្បីពង្រឹងចំនេះដឹងរបស់អ្នកឆ្លើយតបទៅនឹងសំនួរទាំងនោះ។
ធ្វើការស្រាវជ្រាវទុកជាមុនអំពីក្រុមហ៊ុនអ្នកដៃគូរបស់ពួកគេ៖ការដែលមានការយល់ដឹងអំពីក្រុមហ៊ុន ក៏ដូចជាដៃគូរបស់ក្រុមហ៊ុនមុននឹងចូលសម្ភាសន៍ការងារអាចនឹងជួយអ្នកឲ្យជម្នះនឹងការសម្ភាសន៍លើកដំបូង ព្រមទាំងអាចធ្វើឲ្យអ្នកទទួលបានពិន្ទុខ្ពស់ក្នុងពេលសម្ភាសន៍ទៀតផង។
ផ្លាស់ប្ដូរអាកប្បកិរិយារបស់អ្នកចំពោះអ្នកសម្ភាន៍ការងារ៖ត្រូវចង់ចាំថា អ្នកសម្ភាសន៍ការងារក៏ជាមនុស្សដែរ ពួកគេមិនមែនកើតមកដើម្បីកំចាត់អ្នកនោះទេ។ ការហ្វឹកហាត់ខ្លួនអ្នកដើម្បីស្វែងយល់ពី អ្វីដែលអ្នកសម្ភាសន៍ការងារចង់បានអំពីអ្នក នឹងអាចអភិវឌ្ឍន៍ជំនាញនៃការចាប់ផ្ដើមការសន្ទនាលើកដំបូងរបស់អ្នកបាន។
ផ្លាស់ប្ដូរអាកប្បកិរិយារបស់អ្នកចំពោះខ្លួនឯង៖របៀបក្នុងការគិតអំពីខ្លូនអ្នក ក៏អាចនឹងមានឥទ្ធិពលដលសមត្ថភាពនៃការចាប់ផ្ដើមការសន្ទនាលើកដំបូងរបស់អ្នកបានដែរ។ ការទំនុកចិត្តលើសមត្ថភាពរបស់អ្នក គឺជាកត្តាដ៏សំខាន់ដែលអាចជួយអ្នកឲ្យប្រឈម និងជម្នះរាល់បញ្ហា
អំឡុងពេលដែលពង្រីកឱកាសរបស់អ្នកក្នុងការទទួលបានការងារដែលអ្នកតែងតែទន្ទឹងរង់ចាំ

Friday, July 7, 2017

Justin Bieber - Baby ft. Ludacris

Wednesday, July 5, 2017

ទើបចាប់ផ្ដើមប្រើ iPhone មែនទេ?

ទើបចាប់ផ្ដើមប្រើ iPhone មែនទេ? បើអ៊ីចឹង sabay សូមចែករំលែកគន្លឹះខ្លីៗងាយៗមួយចំនួនដែលអាចនឹងមានប្រយោជន៍សម្រាប់ការប្រើប្រាស់ប្រចាំថ្ងៃរបស់អ្នក។

តោះ! តាមដានការបង្ហាញដូចខាងក្រោមនេះ៖

ចុចអាន៖

ក្ដារចុចអក្សរខ្មែរថ្មីមួយទៀ

ក្ដារចុចអក្សរខ្មែរថ្មីមួយទៀត ស្រួលប្រើមិនចាញ់ក្ដារចុច Original របស់ Google

ព្រហស្បតិ៍, 8 មិថុនា 2017 06:37
ចំនួនមតិ 4

ចន្លោះមិនឃើញ

កាលពីជាងមួយសប្តាហ៍មុន ប្រិយមិត្តប្រាកដជាបានដឹងហើយពីក្ដារចុចអក្សរខ្មែរដែលមានសណ្ឋាននិងរបៀបប្រើដូចទៅនឹងក្ដារចុចឆ្លាតវៃរបស់ស្ថាបនិក AlienDev ដែលក្រុមការងារបានធ្វើការបង្ហាញជូន។ ថ្ងៃនេះសូមនាំអារម្មណ៍ប្រិយមិត្តទៅសាកល្បងក្ដារចុចថ្មីមួយទៀត ធានាជាប់ចិត្តពេលបានប្រើហើយ។

TTKeyboard ជាក្ដារចុចដែលមានមុខងារសាមញ្ញ ស្រួលប្រើ ងាយធ្វើចលនាបំលាស់ប្តូរទីតាំងពេលវាយអក្សរជាពិសេសនៅពេលវាយអក្សរខ្មែរ គ្រាន់តែចុចរូបព្រួញចុះឡើង។ វាមានគ្រប់តួអក្សរទាំង ៣៣ តួ មានស្រះ ព្យញ្ជនៈ លេខ ស្រះនិស្ស័យជាដើម ហើយអ្វីដែលភ្ញាក់ផ្អើលនោះគឺ Interface របស់វាដូចទៅនឹងក្ដារចុចដើមរបស់ Google។

ចង់ដឹងពីរបៀបតំឡើងវា សូមមើលការណែនាំខាងក្រោមនេះ

ចុចដោនឡូត នៅទីនេះ App Store | Play Store

អានបន្ត៖

- ក្រោយបាត់ក្ដារចុចឆ្លាតវៃ លេចចេញក្ដារចុចខ្មែរលើ App Store ច្រើនប្រជែងគ្នា

- SONY ចេញ External HDD ថ្មីអាចប្រើបានគ្រប់ Port ល្បឿន ១៣៨MB/s

- iPhone ឆាប់ក្ដៅ តើមកពីមូលហេតុអ្វី ចុះដំណោះស្រាយគួរធ្វើបែបណា?

៣ កម្មវិធីនេះ សុីផុយមិនថាវីដេអូតាម Facebook និង Youtube

៣ កម្មវិធីនេះ សុីផុយមិនថាវីដេអូតាម Facebook និង Youtube អាចទាញយកបានយ៉ាងពេញចិត្ត⟹⟹⟹⟹⟹

អង្គារ, 18 មេសា 2017 11:03
ចំនួនមតិ 2

ចន្លោះមិនឃើញ

បើនិយាយពីវិធី ឬតិចនិកដោនឡូតវីដេអូពី Facebook នៅលើទូរសព្ទដៃសម្រាប់ប្រិយមិត្តខ្លះបានចេះស្ទាត់រួចមកហើយ ប៉ុន្តែអាចថា នៅមានប្រិយមិត្តមួយចំនួនមិនទាន់ច្បាស់ពីរបៀបដោនឡូតនៅឡើយ។ ថ្ងៃនេះក្រុមការងារសូមបង្ហាញសរុបពីវិធីងាយៗ រួមនឹងជម្រើសក្នុងការដោនឡូតវីដេអូដាក់លើទូរសព្ទប្រភេទ Android ផងដែរ។

ជម្រើសទី ១៖ SnapTube

SnapTube ជាកម្មវិធីដ៏ល្អមួយសម្រាប់ដោនឡូតវីដេអូដាក់លើទូរសព្ទពពួក Android វាមានសមត្ថភាពអាចដោនឡូតវីដេអូពីវិបសាយ Social media ល្បីៗជាង ២៥ តែវាមិនមាននៅលើ Play Store នោះទេ ប្រិយមិត្តដែលចង់តម្លើងវាលើទូរសព្ទ សូមចុចត្រង់នេះ បន្ទាប់ពីតម្លើង File Apk ហើយត្រូវចូលទៅ Setting->Unknown Source រួចចុច Done/Open ដើម្បីបញ្ចប់ការតម្លើង រួចបើក Facebook រួចចុច Play ហើយដោនឡូតយកតែម្ដង។

ជម្រើសទី ២៖ TubeMate

TubeMate ជាកម្មវិធីល្អនិងចំណាស់មួយដែលប្រិយមិត្តកំពុងប្រើហើយក៏ចូលចិត្តវាខ្លាំងណាស់ដែរសម្រាប់ដោនឡូតវីដេអូពី Youtube តែប្រិយមិត្តប្រហែលជាភ្លេចថា ក្រៅពី Youtube វានៅអាចដោនឡូតវីដេអូពីវិបសាយ Social media ល្បីៗជាង ១០ ទៀតរួមនឹង Facebook ដែរ។ ចំពោះប្រិយមិត្តដែលចង់តម្លើងវាលើទូរសព្ទ សូមចុចត្រង់នេះ រួចតម្លើង File Apk បន្ទាប់ពីតម្លើងហើយ ត្រូវចូលទៅ Setting->Unknown Source រួចចុច Done/Open ដើម្បីបញ្ចប់ការតម្លើងរួចបើក Facebook រួចចុច Play ហើយដោនឡូតយកតែម្ដង។

ជម្រើសទី ៣៖ VidMate

VidMate ជាកម្មវិធីថ្មីដែលមានចំនួនអ្នកទាញយកទៅប្រើប្រាស់ច្រើនជាង ៧០ លានដង រីឯសមត្ថភាពរបស់វាមិនចាញ់កម្មវិធីសិស្សច្បងទាំងពីរខាងលើប៉ុន្មានទេ ពោលគឺក្រៅពី Youtube វានៅអាចដោនឡូតវីដេអូពីវិបសាយ Social media ល្បីៗជាង ២០ ទៀតក្នុងកម្មវិធីតែមួយនិងប្រើរបៀបដោនឡូតតែមួយដូចខាងលើដែរ។ សូមចុចត្រង់នេះ រួចតម្លើង File Apk ជាការស្រេច។

បញ្ជាក់៖ កម្មវិធីទាំងនេះជាប្រភេទ Third-party app ដូច្នេះផ្ទាំងពាណិជ្ជកម្មលោតជារឿយៗ បើមិនចាំបាច់អាច Uninstall កម្មវិធីទាំងនេះហើយ Turn-Off Unknown Source វិញ៕

វិធីបិទគណនី Facebook បណ្ដោះអាសន្ន អ្នកប្រើយូរឆ្នាំមិនប្រាកដថាចេះ

ម្សិលមិញ ម៉ោង 15:29
ចំនួនមតិ 0

ចន្លោះមិនឃើញ

បិទគណនី Facebook បណ្ដោះអាសន្នបើត្រឹមតែ Log Out ធម្មតាមិនទាន់គ្រប់គ្រាន់ឡើយ ព្រោះអ្នកដទៃនៅអាចមើលគណនីរបស់អ្នកឃើញ និង នៅអាចទំនាក់ទំនងមកអ្នកបាន

Sabay នឹងបង្ហាញពីវិធីបិទគណនី Facebook បណ្ដោះអាសន្នរយៈពេល ៧ ថ្ងៃ ដោយអ្នកដទៃមិនអាចឃើញគណនីអ្នក, មិនអាច Chat ឬ Tag អ្នកចូលក្នុង Post ណាមួយបានឡើយ៖

បរាជ័យជាមេរៀន និងជាផ្លូវនាំទៅរកជោគជ័យ

អាជីវកម្មដើរហើយ តែដួលវិញ ត្រូវបើកម្ដងទៀត ឬរករបរថ្មី?

ថ្ងៃនេះ ម៉ោង 07:30
ចំនួនមតិ 0

ចន្លោះមិនឃើញ

បរាជ័យជាមេរៀន និងជាផ្លូវនាំទៅរកជោគជ័យ
ការបើកអាជីវកម្មថ្មី ក៏មិនប្រាកដថាជោគជ័យ
បើចង់បើកក្រុមហ៊ុនមួយ ឱ្យរីកចម្រើន និងមានស្ថិរភាពយូរអង្វែង គួរគិតលើ៥ចំណុចនេះ

តើត្រូវបើកវិញ ឬរករបរថ្មី? ឆ្លើយតបសំណួរនេះ លោក អ៊ឹម ភិនសារិទ្ធ សហគ្រិនឆ្នើមមួយរូបនៅកម្ពុជា បានបង្ហាញទស្សនៈផ្ទាល់ខ្លួនថា គួរចាប់ផ្ដើមម្ដងទៀត ប៉ុន្តែត្រូវស្វែងរកឫសគល់នៃបញ្ហា ដែលធ្វើឱ្យជំនួញបរាជ័យ។

ទស្សនៈថា "បរាជ័យជាមេរៀន និងជាផ្លូវនាំទៅរកជោគជ័យ" ដែលត្រូវបានមនុស្សជាច្រើនលើកមកនិយាយតគ្នានេះ សហគ្រិនកំពុងមានឈ្មោះបោះសំឡេង លើឆាកពាណិជ្ជកម្ម អ៊ឹម ភិនសារិទ្ធ ក៏យល់ស្រប និងលើកឡើងថា ការស្វែងរកចំណុចខ្វះខាតឱ្យឃើញ ដើម្បីរកផ្លូវចេញ គឺជារឿងត្រឹមត្រូវ ដែលអ្នកជំនួញគួរធ្វើ ប្រសើរជាងទៅបើកអាជីវកម្មថ្មីមួយទៀត ទាំងមិនបានដឹងឫសគល់នៃប្រភពបញ្ហា ដែលនាំឱ្យបរាជ័យ។

អគ្គនាយកគ្រប់គ្រង ក្រុមហ៊ុនសន្តិសុខ IPS Security Service Co., Ltd បានបន្ថែមថា ការបើកអាជីវកម្មថ្មីទៀតសោត ក៏មិនប្រាកដថាជោគជ័យដែរ បើសិនមិនបានសិក្សាលំអិត ពីភាពខ្សោយ និងចំណុចខ្វះខាតរបស់ខ្លួន ព្រោះការរកស៊ីមិនងាយស្រួលឡើយ ប៉ុន្តែលោកមិនបានន័យថា ការបើកមុខជំនួញថ្មី សុទ្ធតែបរាជ័យនោះដែរ។

ទោះជាបែបនេះក្ដី អ្នកជំនួញមានប្រភពមកពីខេត្តស្វាយរៀង ក៏បានចែករំលែកបទពិសោធន៍ផ្ទាល់ខ្លួនថា បើចង់បើកក្រុមហ៊ុនមួយឱ្យ រីកចម្រើន និងមានស្ថិរភាពយូរអង្វែង អ្នកនោះគួរគិតលើ ៥ ចំណុចនេះ៖

កត្តាខ្លួនឯង៖ ត្រូវមានភាពជឿជាក់ តាំងចិត្តខ្ពស់ ប្រឹងប្រែងគ្រប់ពេលវេលា និងត្រូវធ្វើឱ្យបានសម្រេច
ស្ថានភាពជាក់ស្ដែង៖ ត្រូវចុះអនុវត្តផ្ទាល់ ដោយភាពឆ្លាតវ័យ ប៉ិនប្រសប់ និងច្បាស់លាស់ លើទីផ្សារ
ផែនការ និងយុទ្ធសាស្ត្រ៖ ត្រូវរៀបចំផែនការ និងយុទ្ធសាស្ត្រ ឱ្យបានច្បាស់លាស់ ដើម្បីអនុវត្តលើគោលដៅ។
គោលដៅ៖ ត្រូវតែកំណឱ្យច្បាស់លាស់ដូចគ្នា ថាតើអ្នកចង់បានអ្វី។ គោលដៅសម្រេចបានលឿន ឬយឺត គឺអាស្រ័យលើការកំណត់ផែនការ និងយុទ្ធសាស្ត្រ។
ប្រធានក្រុមដឹកនាំ៖ ត្រូវមានប្រធានក្រុមដឹកនាំ ទទួលខុស មើលការខុសត្រូវ ជួយអនុវត្ត និងណែនាំឱ្យបានត្រឹមត្រូវ លើអាជីវកម្ម ដើម្បីទទួលបានជ

ចំណង់ចំណូនចត្តិ ពិតជាចម្លែកណាស់

ចៅហ្វាយក្រុងនេះចំណូលចិត្តពិតជាចម្លែកខុសគេមែន

ដោយ ៖ ម៉ុក សេង

ថ្ងៃពុធ ទី៥ ខែកក្កដា ឆ្នាំ២០១៧ ម៉ោង ១៦:៤២ (05-07-2017 16:42)

ជាព្រឹត្តិការណ៍ដ៏ចម្លែកមួយកម្រកើតមានដែលចៅហ្វាយក្រុងម្នាក់នៅម៉ិកស៊ិករៀបការជាមួយក្រពើដើម្បីសុំសេចក្តីសុខ និងភាពសម្បូរហូរហៀរលើការដាំដុះនៅក្នុងផ្នែកកសិកម្ម ។

សារព័ត៌មានបរទេសកាលពីថ្ងៃទី៣ កក្កដា ២០១៧ ផ្សាយថា ចៅហ្វាយក្រុងSan Pedro Huamelulaនៅភាគខាងត្បូងប្រទេសម៉ិកស៊ិកបានរៀបការជាមួយក្រពើកាលពីពេល ថ្មីៗកន្លងមក ក្នុងបំណងឱ្យកើតមានភាពថ្កុំថ្កើងផ្នែកកសិកម្ម ការនេសាទ រួមទាំងឱ្យប្រជាពលរដ្ឋជួបតែសេចក្តីសុខ ព្រោះប្រពៃណីរៀបការជាមួយក្រពើចាត់ទុកជាទំនៀមទម្លាប់មួយរបស់អ្នកក្នុងទីក្រុងដែលបានប្រកាន់អស់រយៈពេលជាច្រើនរយឆ្នាំមកហើយ ។

ពិធីមង្គលការនោះកូនក្រមុំក្រពើតុបតែងខ្លួនក្នុងឈុតពណ៌ស និងមានផ្កាពណ៌សលម្អនៅលើក្បាល ប៉ុន្តែនៅត្រង់មាត់ចងខ្សែដើម្បីសុវត្ថិភាពចំពោះអ្នកចូលរួម ។

ពិធីដង្ហែកូនក្រមុំក្រពើនៅទូទាំងទីក្រុង ដោយមានការប្រគំតន្ត្រីយ៉ាងអឺងកងនៅតាមដងផ្លូវមុនពេលនាំយកទៅប្រារព្ធពិធីរៀបការតាមទំនៀមទម្លាប់ជាផ្លូវការជាមួយបព្វជិតនៅក្នុងវិហារ ៕

Romatic Song

Sunday, July 30, 2017

ក្លឹបអ្នកមានបារាំង PSG ត្រៀមជះលុយ ២៥៤លានដុល្លារ ដើម្បីឆក់ Neymar ពី Barca

ក្លឹបអ្នកមានបារាំង PSG ត្រៀមជះលុយ ២៥៤លានដុល្លារ ដើម្បីឆក់ Neymar ពី Barca

Sunday, July 23, 2017

ទង្វើ៦យ៉ាងរបស់ភរិយាអាចសម្លាប់ចិត្តប្ដីមិនឱ្យមានស្រី សូម្បីតែគិត

Thursday, July 20, 2017

បើល្បីៗម្ល៉ឹងៗ តើកំពូលតារាសម្ដែងស្រីចិន អាចរកចំណូលបានប៉ុន្មានពីការថត?

Monday, July 17, 2017

វិធីទាំង៤ ដើម្បីយកឈ្នះនឹងបញ្ហានៅពេលសម្ភាសន៍លើកដំបូង

វិធីទាំង៤ ដើម្បីយកឈ្នះនឹងបញ្ហានៅពេលសម្ភាសន៍លើកដំបូងនៅកម្ពុជា

តើអ្នកត្រូវធ្វើអ្វីខ្លះដើម្បីយកឈ្នះនឹងភាពតានតឹងក្នុងពេលចាប់ផ្ដើមការសម្ភាសន៍ការងារ?

ចៀសវាងការរឿងទាំងអស់នេះអំឡុងពេលប្រឈមមុខនឹងអ្នកសម្ភាសន៍ការងារ

តើសំនួរប្រភេទណាដែលអ្នកគួរតែសួរទៅកាន់អ្នកសម្ភាសន៍ការងារនៅពេលជួបគ្នាលើកដំបូង?

ហ្វឹកហាត់ខ្លួនអ្នកឲ្យក្លាយជាអ្នកជំនាញខាងចាប់ផ្ដើមសន្ទនា

Friday, July 7, 2017

Justin Bieber - Baby ft. Ludacris

Wednesday, July 5, 2017

ទើបចាប់ផ្ដើមប្រើ iPhone មែនទេ?

ក្ដារចុចអក្សរខ្មែរថ្មីមួយទៀ

៣ កម្មវិធីនេះ សុីផុយមិនថាវីដេអូតាម Facebook និង Youtube

៣ កម្មវិធីនេះ សុីផុយមិនថាវីដេអូតាម Facebook និង Youtube អាចទាញយកបានយ៉ាងពេញចិត្ត⟹⟹⟹⟹⟹

បរាជ័យជាមេរៀន និងជាផ្លូវនាំទៅរកជោគជ័យ

ចំណង់ចំណូនចត្តិ ពិតជាចម្លែកណាស់

ចៅហ្វាយក្រុងនេះចំណូលចិត្តពិតជាចម្លែកខុសគេមែន

Search This Blog

Sunday, July 30, 2017

ក្លឹ​ប​អ្នកមាន​បារាំង PSG ត្រៀម​ជះ​លុយ ២៥៤​លាន​ដុល្លារ ដើម្បី​ឆក់ Neymar ពី Barca

Sunday, July 23, 2017

Thursday, July 20, 2017

Monday, July 17, 2017

តើអ្នកត្រូវធ្វើអ្វីខ្លះដើម្បីយកឈ្នះនឹងភាពតានតឹងក្នុងពេលចាប់ផ្ដើមការសម្ភាសន៍ការងារ?

ចៀសវាងការរឿងទាំងអស់នេះអំឡុងពេលប្រឈមមុខនឹងអ្នកសម្ភាសន៍ការងារ

តើសំនួរប្រភេទណាដែលអ្នកគួរតែសួរទៅកាន់អ្នកសម្ភាសន៍ការងារនៅពេលជួបគ្នាលើកដំបូង?

ហ្វឹកហាត់ខ្លួនអ្នកឲ្យក្លាយជាអ្នកជំនាញខាងចាប់ផ្ដើមសន្ទនា

Friday, July 7, 2017

Wednesday, July 5, 2017

៣ កម្មវិធី​នេះ សុីផុយ​មិន​ថា​វីដេអូ​តាម Facebook និង Youtube អាច​ទាញ​យក​បាន​យ៉ាង​ពេញ​ចិត្ត​⟹⟹⟹⟹⟹

ចៅហ្វាយ​ក្រុងនេះ​ចំណូល​ចិត្ត​ពិត​ជា​ចម្លែក​ខុស​គេ​មែន

Search This Blog

ក្លឹបអ្នកមានបារាំង PSG ត្រៀមជះលុយ ២៥៤លានដុល្លារ ដើម្បីឆក់ Neymar ពី Barca

៣ កម្មវិធីនេះ សុីផុយមិនថាវីដេអូតាម Facebook និង Youtube អាចទាញយកបានយ៉ាងពេញចិត្ត⟹⟹⟹⟹⟹

ចៅហ្វាយក្រុងនេះចំណូលចិត្តពិតជាចម្លែកខុសគេមែន